Bıyl Aqtaý portynan qazaqstandyq munaı eksporty 53%-ǵa ulǵaıdy
Bıylǵy qańtar-qyrkúıekte qazaqstandyq munaıdy Aqtaý portynan eksportqa tasymaldaý kólemi 2 mln 484,8 myń tonnany qurady, bul ótken jyldyń sáıkes kezeńimen salystyrǵanda 864 myń tonnaǵa nemese 53%-ǵa artyq, dep habarlaıdy Kazinform.
"Atap aıtqanda, Aqtaý portynan Baký porty baǵytynda munaı tasymaldaý kólemi 870 myń tonnaǵa ulǵaıyp, 990,2 myń tonnany qurady. Mahachkala porty baǵytynda Aqtaý portynan 1 mln 494,6 myń tonna qazaqstandyq munaı jóneltildi, bul 2022 jyldyń 9 aıymen salystyrǵanda 5,9 myń tonnaǵa az", - dep jazdy "QazMunaıGazdyń" baspasóz qyzmeti.
Byltyr Prezıdent Qasym-Jomart Toqaev Transkaspıı dálizi boıynsha munaı tasymaldaý kólemin ulǵaıtýdy tapsyrǵan bolatyn. Osyǵan sáıkes «QazMunaıGaz» UK AQ jáne Ázerbaıjan Respýblıkasynyń memlekettik munaı kompanııasy SOCAR Baký–Tbılısı–Djeıhan munaı qubyry baǵytynda Teńiz ken ornynan jylyna 1,5 mln tonna munaı tasymaldaýdy kózdeıtin kelisim jasasty.
«QazTransOıl» AQ — Qazaqstan Respýblıkasynyń magıstraldyq munaı qubyry jónindegi ulttyq operatory. «QazMunaıGaz» UK AQ tobyna kiredi. Uzyndyǵy 5,4 myń km magıstraldyq munaı qubyrlarynyń ártaraptandyrylǵan jelisine ıe.
Дереккөз: inform.kz
