Инфрақұрылым

Ұлытау облысының автожолдарының жалпы ұзындығы 2711,7 км құрайды, оның ішінде республикалық маңызы бар жолдар – 961 км, облыстық маңызы бар жолдар – 896 км, аудандық жолдар – 310 км, елді мекен ішіндегі жолдар – 545 км.

Жолдардың нормативтік жағдайдағы үлесі – 91%. 2026 жылға дейін шамамен 270 км жолды жөндеу жоспарланып, жақсы жолдардың үлесі 93%-ға жеткізіледі.

«Қызылорда-Жезқазған» автожолын қайта құру жұмыстары басталды – 208 км (216-424 км), құны – 108,7 млрд теңге, 4 мердігер ұйым тартылды.

Сонымен қатар, «Қарағанды-Жезқазған» бағытында – 40 км (755-795 км) учаскесінде мердігерді анықтау үшін конкурс процедуралары жүргізілуде.

«Ұлытау-Арқалық» автожолының 30 км (163-193 км) учаскесінде жөндеу жұмыстары басталды, құны – 2,7 млрд теңге, жұмыс 2025 жылға өтеді.

Сондай-ақ, облыстық маңызы бар «Сатпаев-Малшыбай-Жошыхан, Домбауыл мавзолейі» автожолының құрылысы жүргізілуде (19,5 км, құны – 9,6 млрд теңге).

«Қаражал-Атасу» облыстық маңызы бар автожолының қайта құрылысын (0-28 км, құны – 10,4 млрд теңге) іске асыруға 1,7 млрд теңге бөлінді (НФ – 1,6 млрд теңге, ОБ – 105 млн теңге).

Қалалық қоғамдық көлік үшін 721 млн теңгеге 18 жаңа автобус сатып алынды.

Жезқазған қаласындағы әуежайдың ұшу-қону жолағында 1,3 млрд теңгеге ағымдағы жөндеу жұмыстары жүргізілді.

Облысындағы негізгі теміржол тасымалдаушы операторы – «ҚТЖ-Жүк тасымалы» ЖШС.

Жезқазған қаласы, Қаражар көшесі, 8

+7 (7102) 72-44-14

railways.kz

Жезқазған әуежайы 1971-1973 жылдар аралығында салынды. Әуежай асфальтобетон жабыны бар ұшу-қону жолағымен жабдықталған. 1985 жылы сағатына 200 жолаушыға дейін қызмет көрсете алатын жаңа терминал салынып, іске қосылды. 2004 жылдан бастап әуежайды халықаралық стандартқа сай қайта құру жұмыстары жүргізілді. Ұшу-қону жолағы мен әуежай ғимаратына күрделі жөндеу жұмыстары жасалды. 2008 жылы әуежайға халықаралық мәртебе берілді.

Жалпы алғанда, өңірде әуе рейстері 4 бағыт бойынша ұйымдастырылған: «Жезқазған-Астана», «Жезқазған-Алматы», «Жезқазған-Қарағанды», «Жезқазған-Шымкент».

Жезқазған қаласынан 8 км оңтүстікке

+7 7102 74 57 57

zhezair@mail.ru.

alaport.com

Облыс аумағында 1952 жылы пайдалануға енгізілген Жезқазған ТЭЦ жұмыс істейді. ТЭЦ Жезқазған қаласындағы Жезқазған тау-кен өндірісі кәсіпорындарына және ТОО «Корпорация Казахмыс»-қа электр және жылу энергиясын береді, сондай-ақ қала тұрғындарына жылу энергиясын жеткізуді қамтамасыз етеді. Қуаты: электрлік қуат – 252 МВт, жылу қуаты – 564 Гкал/сағ. Негізгі энергетикалық жабдықтар құрамына 8 қазандық агрегаттары, 5 жоғары қысымды турбиналар кіреді. Жезқазған ТЭЦ ТОО «Kazakhmys Energy» (Қазахмыс Энерджи) табиғи монополия субъектілерінің Мемлекеттік тізіліміне жылу энергиясын өндіру қызметі бойынша енгізілген.

Аймақта «Сарыарка» магистральді газ құбыры жобасы жүзеге асырылуда: газ тарату желілерін, атап айтқанда Жезқазған қаласын салу.

Жобаның жалпы құны 14,5 млрд теңге, жүзеге асыру мерзімі 2019-2025 жылдар. Жезқазған қаласын газдандыру жобасы 3 кезеңнен және 7 пускалық кешеннен тұрады. Жалпы ұзындығы шамамен 200 км.